Naat
Woh Chhayi Ghata Baada Baar-e-Madina
وہ چھائی گھٹا بادہ بارِ مدینہ
Urdu Kalam
مطلع
وہ چھائی گھٹا بادہ بارِ مدینہ
پیئے جھوم کر جاں نثارِ مدینہ
وہ چمکا وہ چمکا منارِ مدینہ
قریب آرہا ہے دیارِ مدینہ
نہا لیں گنہ گار ابرِ کرم میں
اُٹھا دیکھئے وہ غبارِ مدینہ
خدا یاد فرمائے سوگندِ طیبہ
زہے عظمت و افتخارِ مدینہ
اگر دیکھے رضواں چمن زارِ طیبہ
کہے دیکھ کر یوں وہ خارِ مدینہ
مدینے کے کانٹے بھی صد رشکِ گل ہیں
عجب رنگ پر ہے بہارِ مدینہ
نہیں جچتی جنت بھی نظروں میں ان کی
جنہیں بھا گیا خار زارِ مدینہ
مری جان سے بھی وہ نزدیک تر ہیں
وہ مولائے ہر بے قرارِ مدینہ
کروں فکر کیا میں غمِ زندگی کی
میں ہوں بندۂ غم گسارِ مدینہ
چلا دورِ ساغر مئے ناب چھلکی
رہے تشنہ کیوں بادہ خوارِ مدینہ
چلا کون خوشبو لٹاتا کہ اب تک
ہے مہکی ہوئی رہ گذارِ مدینہ
سحر دن ہے اور شامِ طیبہ سحر ہے
انوکھے ہیں لیل و نہارِ مدینہ
مقطع
بلا اخترِؔ خستہ جاں کو بھی در پر
میں صدقے ترے شہر یارِ مدینہ
Kalam Details
Bahr
Bahr-e-Mutaqarib Musamman Salim
Arkaan
فعولن فعولن فعولن فعولن
Radif
مدینہ
Zameen
بحر: متقارب مثمن سالم؛ ردیف: مدینہ
Sanf
نعت
Script
Urdu
Total Misra
26
Writer
Taj-ush-Shariah Mufti Akhtar Raza Qadri Azhari
Book
Safina-e-Bakhshish