Naat
Aks-e-jamaal-e-zaat Na Dekha Tere Siwa
عکسِ جمالِ ذات نہ دیکھا تِرے سِوا
Urdu Kalam
مطلع
عکسِ جمالِ ذات نہ دیکھا تِرے سِوا
مظہر خدا کا ہم نے پایا تِرے سِوا
کیا مانگے تجھ سے یہ تِرا منگتا تِرے سِوا
دل میں نہیں ہے کوئی تمنا تِرے سِوا
کِس کی جبینِ عرش میں یہ آب و تاب ہے
ہے کس کا ثبت نقشِ کفِ پا تِرے سِوا
کعبہ کو جس نے قبلۂ عالم بنا دیا
تھی کس کی چشمِ ناز وہ شاہا تِرے سِوا
کِس کی رضا ہے مرضئ خالِق سے ہمکنار
ہے کس کے سر پہ تاجِ فَتَرضیٰ تِرے سِوا
یہ سیلِ حسن و نُور، یہ طوفانِ رنگ و بُو
ہے کون جلوہ گر پسِ پردا تِرے سِوا
دنیا ہزار حُسن دکھاتی رہی مگر
تیرا جو تھا کِسی کو نہ چاہا تِرے سِوا
پیشِ نظر ہے آیۂ اَتْمَمْتُ نِعْمَتِیْ
ہے دین کون؟ کون ہے دنیا تِرے سِوا
مقطع
پوری ہو اَب تو اختؔرِ بےکس کی آرزو
کِس سے کہے یہ سرورِ والا تِرے سِوا
Kalam Details
Bahr
Bahr-e-Muzare Musamman Akhrab Makfoof Mahzoof
Arkaan
مفعول فاعلاتُ مفاعیل فاعلن
Radif
ترے سوا
Zameen
بحر: مضارع مثمن اخرب مکفوف محذوف؛ ردیف: ترے سوا
Sanf
نعت
Script
Urdu
Total Misra
18
Writer
Syed Marghoob Akhtar Al-Hamidi
Book
Naat Mahal