Naat
Aap Ke Dar Ki Ajab Tauqeer Hai
آپ کے دَر کی عجب توقیر ہے
Urdu Kalam
مطلع
آپ کے دَر کی عجب توقیر ہے
جو یہاں کی خاک ہے اِکسیر ہے
کام جو اُن سے ہوا پورا ہوا
اُن کی جو تدبیر ہے تقدیر ہے
جس سے باتیں کیں اُنھیں کا ہو گیا
واہ کیا تقریرِ پُر تاثیر ہے
جو لگائے آنکھ میں محبوب ہو
خاکِ طیبہ سرمۂ تسخیر ہے
صدرِ اقدس ہے خزینہ راز کا
سینہ کی تحریر میں تحریر ہے
ذرّہ ذرّہ سے ہے طالع نورِ شاہ
آفتابِ حُسن عالم گیر ہے
لطف کی بارش ہے سب شاداب ہیں
اَبرِ جودِ شاہِ عالم گیر ہے
مجرمو اُن کے قدموں پر لوٹ جاؤ
بس رِہائی کی یہی تدبیر ہے
یا نبی مشکل کشائی کیجیے
بندۂ در بے دل و دل گیر ہے
وہ سراپا لطف ہیں شانِ خدا
وہ سراپا نور کی تصویر ہے
کان ہیں کانِ کرم جانِ کرم
آنکھ ہے یا چشمۂ تنویر ہے
جانے والے چل دیئے ہم رہ گئے
اپنی اپنی اے حسنؔ تقدیر ہے
مقطع
ذوقِ نعت
Kalam Details
Bahr
Bahr-e-Ramal Musaddas Mahzoof
Arkaan
فاعلاتن فاعلاتن فاعلن
Radif
ہے
Zameen
بحر: رمل مسدس محذوف؛ ردیف: ہے
Sanf
نعت
Script
Urdu
Total Misra
25
Writer
Maulana Hasan Raza Khan
Book
Zauq-e-Naat