Ka’bay Ke Badr Ad-Duja Tum Pe Karoron Durood

Shafe-e-Roz-e-Jaza Tum Pe Karoron Durood
Dafi-e-Jumla Bala Tum Pe Karoron Durood

Jaan O Dil-e-asfiyaa Tum Pe Karoron Durood
Aab O Gul-e-Ambiya Tum Pe Karoron Durood

Layein To Yeh Doosra Doosra Jis Ko Mila
Koshakoshak-e-arsh O Dana Tum Pe Karoron Durood

Aur Koi Ghaib Kya Tum Se Nihan Ho Bhala
Jab Na Khuda Hi Chupa Tum Pe Karoron Durood

Toor Pe Jo Shama Tha Chand Tha Saaeer Ka
Nayyar-e-faaraan Hua Tum Pe Karoron Durood

Dil Karo Thanda Mera Woh Kaf-e-Paa Chand Sa
Seenay Pe Rakh Do Zara Tum Pe Karoron Durood

Zaat Hui Intikhaab Wasf Hue La Jawab (b)
Naam Hua Mustafa Tum Pe Karoron Durood

Ghaayat O Illat Sabab Bahr-e--e-jahan Tum Ho Sab
Tum Se Bana Tum Bana Tum Pe Karoron Durood

Tum Se Jahan Ki Hayat Tum Se Jahan Ka Sabaat (t)
Asal Se Hai Zill Bandhaa Tum Pe Karoron Durood

Maghz Ho Tum Aur Post Aur Hain Bahar Ke Dost
Tum Ho Daroon-e-sara Tum Pe Karoron Durood

Kya Hain Jo Be Had Hain Laus-e- Tum To Ho Ghais Aur Ghaus (s)
Chheente Mein Hoga Bhala Tum Pe Karoron Durood

Tum Ho Hafeez O Mughees Kya Hai Woh Dushman Khabees
Tum Ho To Phir Khauf Kya Tum Pe Karoron Durood

Woh Shab-e-Miraj Raj Woh Saff-e-mahshar Ka Taaj-e- (j)
Koi Bhi Aisa Hua Tum Pe Karoron Durood

Nehat Falah Al Falah Rahat Faraah Alamraah (h)
Adad Laiood Al-hana Tum Pe Karoron Durood

Jaan O Jahan-e-maseeh Daad Ke Dil Hai Jareeh
Nabzen Chhuten Dam Chala Tum Pe Karoron Durood

Uf Woh Rah-e--e-sanglaakh Aah Yeh Paa Shaakh Shaakh (kh)
Ae Mere Mushkil Kusha Tum Pe Karoron Durood

Tum Se Khila Baab-e--e-Jood Tum Se Hai Sab Ka Wajood (d)
Tum Se Hai Sab Ki Baqa Tum Pe Karoron Durood

Khasta Hoon Aur Tum Maaaz Basta Hoon Aur Tum Malaaz (z)
Aagay Jo Shah Ki Raza Tum Pe Karoron Durood

Garcha Hain Be Had Qasoor Tum Ho Afw O Ghafoor! (r)
Bakhsh Do Jurm O Khata Tum Pe Karoron Durood

Mehr-e-Khuda Noor Noor Dil Hai Siyah Din Hai Door
Shab Mein Karo Chandna Tum Pe Karoron Durood

Tum Ho Shaheed O Baseer Aur Mein Gunah Par Diler
Khol Do Chashm-e-haya Tum Pe Karoron Durood

Chheent Tumhari Sahar Chhoot Tumhari Qamar
Dil Mein Rachaa Do Ziya Tum Pe Karoron Durood

Tum Se Khuda Ka Zuhoor Is Se Tumhara Zuhoor
Lam Hai Yeh Woh Un Hua Tum Pe Karoron Durood

Be Hunar O Be Tameez Kis Ko Hue Hain Azeez (zi)
Ek Tumhare Siwa Tum Pe Karoron Durood

Aas Hai Koi Na Paas Ek Tumhari Hai Aas (s)
Bas Hai Yahi Aasra Tum Pe Karoron Durood

Taarim-e-aala Ka Arsh Jis Kaf-e-Paa Ka Hai Farsh (sh)
Aankhon Pe Rakh Do Zara Tum Pe Karoron Durood

Kahne Ko Hain Aam O Khaas Ek Tumhein Ho Khulaas (Saad)
Band Se Kar Do Raha Tum Pe Karoron Durood

Tum Ho Shifa-e- Maraz Khalq-e-Khuda Khud Gharaz (z)
Khalq Ki Haajat Bhi Kya Tum Pe Karoron Durood

Aah Woh Raah-e-Sirat Bandon Ki Kitni Bisaat (t)
Al-madad Ae Rah-e- Numa Tum Pe Karoron Durood

Be Adab! O Bad Lihaaz Kar Na Sakaa Kuchh Hifaaz (z)
Afw Pe Bhoolaa Raha Tum Pe Karoron Durood

Lo Tah-e-daaman Ke Shama Jhonkon Mein Hai Roz Jama (Ain)
Aandhiyon Se Hashr Utha Tum Pe Karoron Durood

Seena-e- Ke Hai Daagh-e- Daagh-e- Keh Do Kare Baagh Baagh (gh)
Taiba Se Aa Kar Saba Tum Pe Karoron Durood

Gesu O Qad Laam Alif Kar Do Bala Munsarif (f)
La Ke Tah-e-tegh-e-la Tum Pe Karoron Durood

Tum Ne Ba-rang-e-falaq Jaib-e-jahan Kar Ke Shaq (q)
Noor Ka Tarka Kya Tum Pe Karoron Durood

Naubat-e-dar Hain Falak Khadim-e-dar Hain Mulk-e- (Kaf)
Tum Ho Jahan Baadshaa Tum Pe Karoron Durood

Khalq Tumhari Jameel Khalq Tumhara Jaleel (l)
Khalq Tumhari Gada Tum Pe Karoron Durood

Taiba Ke Maah-e-tamaam Jumla Rusul Ke Imam (m)
Nausha-e-Mulk-e--e-Khuda Tum Pe Karoron Durood

Tum Se Jahan Ka Nizaam Tum Pe Karoron Salaam
Tum Pe Karoron Sana Tum Pe Karoron Durood

Tum Ho Jawaad O Kareem Tum Ho Rauf O Raheem
Bheek Ho Daata Ata Tum Pe Karoron Durood

Khalq Ke Haakim Ho Tum Rizq Ke Qasim Ho Tum
Tum Se Mila Jo Mila Tum Pe Karoron Durood

Naafe O Dafi Ho Tum Shafe O Raafe Ho Tum
Tum Se Bas Afzoon Khuda Tum Pe Karoron Durood

Shaafee O Naafee Ho Tum Kaafi O Wafee Ho Tum
Dard Ko Kar Do Dawa Tum Pe Karoron Durood

Jaayein Na Jab Tak Ghulam Khuld Hai Sab Par Haraam
Mulk-e- To Hai Aap Ka Tum Pe Karoron Durood

Mazhar-e-haq Ho Tumhein Mazhar-e-haq Ho Tumhein (n)
Tum Mein Hai Zahir Khuda Tum Pe Karoron Durood

Zor Dah-e-na Rasaan Takiya Gah-e-be Kasaan
Baadshah-e-maawraa Tum Pe Karoron Durood

Barsay Karam Ki Bharan Phooleen Ni'am Ke Chaman
Aisi Chala Do Hua Tum Pe Karoron Durood

Kyun Kahun Be Kis Hoon Mein, Kyun Kahun Be Bas Hoon Mein
Tum Ho Mein Tum Par Fida Tum Pe Karoron Durood

Gande Nikamme Kameen Mahange Hoon Kauree Ke Teen
Kaun Hamein Paaltaa Tum Pe Karoron Durood

Baat Na Dar Ke Kahein Ghaat Na Ghar Ke Kahein
Aise Tumhein Paalnaa Tum Pe Karoron Durood

Aison Ko Nemat Khilaao Doodh Ke Sharbat Pilaao (o)
Aison Ko Aisi Ghizaa Tum Pe Karoron Durood

Girne Ko Hoon Rok Lo Ghota Lage Hath Do
Aison Par Aisi Ata Tum Pe Karoron Durood

Apne Khata Waaroon Ko Apne Hi Daaman Mein Lo
Kaun Kare Yeh Bhala Tum Pe Karoron Durood

Kar Ke Tumhare Gunah Maangein Tumhari Panah (Ha)
Tum Kaho Daaman Mein Aa Tum Pe Karoron Durood

Kar Do Adu Ko Tabaah Haasidon Ko Ro Baraah
Ahl-e-wala Ki Bhala Tum Pe Karoron Durood

Hum Ne Khata Mein Na Ki Tum Ne Ata Mein Na Ki (Ya)
Koi Kami Saroraa! Tum Pe Karoron Durood

Kaam Ghazab Ke Kiye Is Pe Hai Sarkar Se (e)
Bandon Ko Chashm-e-Raza Tum Pe Karoron Durood

Aankh Ata Kijiye Is Mein Ziya Deejie
Jalwa Qareeb Aa Gaya Tum Pe Karoron Durood

Kaam Woh Le Leejie Tum Ko Jo Raazi Kare
Theek Ho Naam-e-Raza Tum Pe Karoron Durood