Phir Ke Gali Gali Tabaah Thokren Sab Ki Khaye Kyun

Rukhsat-e-qafila Ka Shor Ghash Se Hamein Uthaye Kyun
Sote Hain Un Ke Saaye Mein Koi Hamein Jagaae Kyun

Baar Na Thay Habib Ko Paalte Hi Ghareeb Ko
Roen Jo Ab Naseeb Ko Chain Kaho Ganwaaen Kyun

Yaad-e-Huzoor Ki Qasam Ghaflat-sheari-e-Aish-e- Hai Sitam
Khoob Hain Qaid-e-gham Mein Hum Koi Hamein Chhuraye Kyun

Dekh Ke Hazrat-e-ghani Phail Pare Faqeer Bhi
Chhayi Hai Ab To Chhaawnee Hashr Hi Aa Na Jaaye Kyun

Jaan Hai Ishq-e-Mustafa Roz Fuzoon Kare Khuda
Jis Ko Ho Dard Ka Maza Naaz-e-Dawa Uthaye Kyun

Hum To Hain Aap Dil Figaar Gham Mein Hansee Hai Na Gawaar
Chher Ke Gul Ko Nau Bahaar Khoon Hamein Rulaae Kyun

Ya To Yun Hi Tarap Ke Jaayein Ya Wahi Daam Se Chhuraaen
Minnat-e-ghair Kyun Uthaaen Koi Tarsas Jataae Kyun

Un Ke Jalal Ka Asar Dil Se Lagaye Hai Qamar
Jo Ke Ho Laut Zakhm Par Daagh-e--e-Jigar Mitaye Kyun

Khush Rahe Gul Se Andleeb Khaar-e-haram Mujhe Naseeb
Meri Bala Bhi Zikr Par Phool Ke Khaar Khaye Kyun

Gard-e--e-malaal Agar Dhule Dil Ki Kali Agar Khulay
Barq Se Aankh Kyun Jale Rone Pe Muskuraae Kyun

Jaan-e-safar Naseeb Ko Kis Ne Kaha Maze Se Su
Khatka Agar Sahar Ka Ho Shaam Se Maut Aaye Kyun

Ab To Na Rok Ae Ghani Aadat-e-Sag Bigar Gayi
Mere Kareem Pehle Hi Luqma-e-Tar Khilaae Kyun

Raah-e-Nabi Mein Kya Kami Farsh-e-bayaaz Deeda-e-ki
Chaadar-e-zill Hai Malgajee Zer-e-qadam Bichhaae Kyun

Sang-e-dar-e-Huzoor Se Hum Ko Khuda Na Sabra De
Jaana Hai Sar Ko Ja Chuke Dil Ko Qarar Aaye Kyun

Hai To Raza Niraa Sitam Jurm Pe Gar Lajaaen Hum
Koi Bajaye Soz-e-gham Saaz-e-Tarab Bajaye Kyun