Phir Utha Walwala-e-yaad-e-mugheelaan-e-Arab

Baagh-e-Firdous Ko Jaate Hain Hazaaraan-e-Arab
Haaye Sahra-e-Arab Haaye Biyaban-e-Arab

Meethee Baatein Teri Deen-e-Ajam Imaan-e-Arab
Namken Husn Tera Jaan-e-Ajam Shaan-e-Arab

Ab To Hai Girya-e-khoon Gohar-e-Daaman-e--e-Arab
Jis Mein Do Laal Thay Zahraa Ke Woh Thi Kaan-e-Arab

Dil Wahi Dil Hai Jo Aankhon Se Ho Hairan-e-Arab
Aankhein Woh Aankhein Hain Jo Dil Se Hoon Qurbaan-e-Arab

Haaye Kis Waqt Lagi Phaans Alam Ki Dil Mein
Ke Bahut Door Rahe Khaar-e-mugheelaan-e-Arab

Fasl-e-gul Lakh Na Ho Wasl Ki Rakh Aas Hazaar
Phoolte Phalte Hain Be Fasl Gulistan-e-Arab

Sadqe Hone Ko Chale Aate Hain Laakhon Gulzar
Kuchh Ajab Rang-e- Se Phoola Hai Gulistan-e-Arab

Andleebee Pe Jhagrate Hain Kate Marte Hain
Gul O Bulbul Ko Laraataa Hai Gulistan-e-Arab

Sadqe Rahmat Ke Kahan Phool Kahan Khaar Ka Kaam
Khud Hai Daaman Kashish-e-Bulbul Gul-e-khandaan-e-Arab

Shadi-e-Hashr Hai Sadqe Mein Chhuten Ge Qaidi
Arsh Par Dhoom Se Hai Dawat-e-mehman-e-Arab

Charche Hote Hain Yeh Kumhlaye Hue Phoolon Mein
Kyun Yeh Din Dekhte Paate Jo Biyaban-e-Arab

Tere Be Daam Ke Bande Hain Raeesaan-e-Ajam
Tere Be Daam Ke Bandee Hain Hazaaraan-e-Arab

Hasht Khuld Aayein Wahan Kasb-e-latafat Ko Raza
Chaar Din Barsay Jahan Abr-e--e-bahaaraan-e-Arab