Wah Kya Jood O Karam Hai Shah-e-Batha Tera

Dhaare Chalte Hain Ata Ke Woh Hai Qatra Tera
Tare Khulte Hain Sakha Ke Woh Hai Zarra-e-tera

Faiz Hai Ya Shah-e-Tasneem Nirala Tera
Aap Pyaason Ke Tajassus Mein Hai Dariya Tera

Aghniyaa Palte Hain Dar Se Woh Hai Baada Tera
Asfiyaa Chalte Hain Sar Se Woh Hai Rastaa Tera

Farsh Wale Teri Shaukat Ka Uluw Kya Janein
Khusrawaa! Arsh Pe Urtaa Hai Phareera Tera

Aasman Khwan-e-, Zameen Khwan-e-, Zamana Mehman
Sahib-e-Khana-e- Laqab Kis Ka Hai Tera Tera

Mein To Maalik-e- Hi Kahun Ga Ke Ho Maalik-e- Ke Habib
Yaani Mahboob O Muhib Mein Nahin Mera Tera

Tere Qadmon Mein Jo Hain Ghair Ka Munh Kya Dekhein
Kaun Nazron Pe Charhe Dekh Ke Talwa Tera

Bahr Sail Ka Hoon Sail Na Kuen Ka Pyasa
Khud Bujha Jaaye Kaleja Mera Chheenta Tera

Chor Haakim Se Chupa Karte Hain Yan Is Ke Khilaf
Tere Daaman Mein Chhupe Chor Anokhaa Tera

Aankhein Thandi Hoon Jigar Taaze Hoon Janein Seeraab
Sachay Sooraj Woh Dil Aara Hai Ujala Tera

Dil Abas Khauf Se Pata Sa Uda Jata Hai
Pallah Halka Sahi Bhaari Hai Bharosaa Tera

Ek Mein Kya Mere Isyan Ki Haqeeqat Kitni
Mujh Se Su Lakh Ko Kaafi Hai Ishara Tera

Mufta Paalaa Tha Kabhi Kaam Ki Aadat Na Padi
Ab Amal Poochhte Hain Haaye Nikamma Tera

Tere Tukron Se Pale Ghair Ki Thokar Pe Na Daal
Jhirkiyaa Khaaen Kahan Chhor Ke Sadqa Tera

Khwaar O Beemar O Khata Waar O Gunah Gar Hoon Mein
Raafe O Naafe O Shafe Laqab Aaqa Tera

Meri Taqdeer Buree Ho To Bhalee Kar De Ke Hai
Mahv O Isbaat Ke Daftar Pe Karoraa Tera

To Jo Chahay To Abhi Meel Mere Dil Ke Dhulen
Ke Khuda Dil Nahin Kurta Kabhi Mailaa Tera

Kis Ka Munh Takie Kahan Jaaie Kis Se Kahie
Tere Hi Qadmon Pe Mit Jaaye Yeh Paalaa Tera

To Ne Islam Diya To Ne Jama'at Mein Liya
To Kareem Ab Koi Phirta Hai Atiya Tera

Maut Suntaa Hoon Sitam Talkh Hai Zahraaba Naab
Kaun La De Mujhe Talwon Ka Ghusaala Tera

Door Kya Janiye Bad Kaar Pe Kaisi Guzray
Tere Hi Dar Pe Mere Be Kis O Tanha Tera

Tere Sadqe Mujhe Ek Boond Bahut Hai Teri
Jis Din Achhon Ko Mile Jaam Chhalkataa Tera

Haram O Taiba O Baghdad Jidhar Kijiye Nigah
Joot Partee Hai Teri Noor Hai Chhantaa Tera

Teri Sarkar Mein Lata Hai Raza Is Ko Shafee-e-
Jo Mera Ghaus Hai Aur Laadlaa Betaa Tera