Naat
Zarre Jhar Kar Teri Paeezaaroon Ke
ذرّے جھڑ کر تیری پیزاروں کے
Urdu Kalam
مطلع
ذرّے جھڑ کر تیری پیزاروں کے
تاجِ سر بنتے ہیں سیّاروں کے
ہم سے چوروں پہ جو فرمائیں کرم
خلعتِ زر بنیں پشتاروں کے
میرے آقا کا وہ در ہے جس پر
ماتھے گھِس جاتے ہیں سرداروں کے
میرے عیسیٰ تِرے صدقے جاؤں
طور بے طور ہیں بیماروں کے
مجرمو! چشمِ تبسم رکھو
پھول بن جاتے ہیں انگاروں کے
تیرے ابرو کے تصدق پیارے
بند کرّے ہیں گرفتاروں کے
جان و دل تیرے قدموں پر وارے
کیا نصیبے ہیں ترے یاروں کے
صدق و عدل و کرم و ہمت میں
چار سو شُہرے ہیں اِن چاروں کے
بہر تسلیم علی میداں میں
سرجھکے رہتے ہیں تلواروں کے
کیسے آقاؤں کا بندا ہوں رضؔا
بول بالے مِری سرکاروں کے
مقطع
حدائقِ بخشش
Kalam Details
Bahr
Bahr-e-Hazaj Musamman Akhrab Maqbooz Abtar
Arkaan
مفعول مفاعلن مفاعیلن فِع
Radif
کے
Zameen
بحر: ہزج مثمن اخرب مقبوض ابتر؛ ردیف: کے
Sanf
نعت
Script
Urdu
Total Misra
21
Writer
Aala Hazrat Imam Ahmad Raza Khan
Book
Hadaiq-e-Bakhshish