Kya Hi Zauq Afza Shafaat Hai Tumhari Wah Wah

Khaama-e-Qudrat Ka Husn-e-Dast Kaaree Wah Wah
Kya Hi Tasweer Apne Pyaare Ki Sanwaaree Wah Wah

Ashk Shab Bhar Intezaar-e-Afw-e-Ummat Mein Baheen
Mein Fida Chand Aur Yun Akhtar Shumaaree Wah Wah

Ungliyan Hain Faiz Par Tootay Hain Pyaase Jhoom Kar
Nadiyaan Panjaab-e-rahmat Ki Hain Jaari Wah Wah

Noor Ki Khairaat Lene Daurte Hain Mehr O Maah
Uthti Hai Kis Shaan Se Gard-e--e-Sawari Wah Wah

Nayam Jalwe Ki Na Taab-e- Aaye Qamar Saan To Sahi
Mehr Aur Un Talwon Ki Aaina-e-Ya Wah Wah

Nafs Yeh Kya Zulm Hai Jab Dekho Taza Jurm Hai
Natawan Ke Sar Par Itna Bojh Bhaari Wah Wah

Mujrimon Ko Dhoondhtee Phirtee Hai Rahmat Ki Nigah
Tali-e-Bar Gashta Teri Saaz Gaaree Wah Wah

Arz Begee Hai Shafaat Afw Ki Sarkar Mein
Chhant Rahi Hai Mujrimon Ki Fard Saari Wah Wah

Kya Madine Se Saba Aayi Ke Phoolon Mein Hai Aaj
Kuchh Nayi Boo Bheeni Bheeni Pyari Pyari Wah Wah

Khud Rahe Parde Mein Aur Aaina-e-aks-e-khaas Ka
Bhej Kar Un Janon Se Ki Raah Ya Wah Wah

Is Taraf Rauzay Ka Noor Us Simt Mimbar Ki Bahaar
Beech Mein Jannat Ki Pyari Pyari Kyaaree Wah Wah

Sadqe Is Inam Ke Qurbaan Is Ikram Ke
Ho Rahi Hai Donon Aalam Mein Tumhari Wah Wah

Para-e-dil Bhi Na Nikla Dil Se Tohfe Mein Raza
Un Sagaan-e-Taiba-e-ko Se Itni Jaan Pyari Wah Wah