Sona Jangal Raat Andheri Chhayi Badlee Kali Hai

Aankh Se Kaajal Saaf Churaalen Yan Woh Chor Bala Ke Hain
Teri Ghatree Taakee Hai Aur Tone Neend Nikaalee Hai

Yeh Jo Tujh Ko Bulaataa Hai Yeh Thigh Hai Maar Hi Rakhay Ga
Haaye Musaafir Dam Mein Na Aana Mat Kaisi Matwaalee Hai

Sona Paas Hai Sona Ban Hai Sona Zehar Hai Uth Pyaare
To Kehta Hai Neend Hai Meethee Teri Mat Hi Nirali Hai

Aankhein Milnaa Jhunjhlaa Parnaa Laakhon Jamaaee Angaraaee
Naam Par Uthne Ke Lartaa Hai Uthnaa Bhi Kuchh Gaalee Hai

Jugnoo Chamke Pata Khirke Mujh Tanha Ka Dil Dhar Ke
Dar Samajhaae Koi Pawan Hai Ya Ugyaa Betaalee Hai

Baadal Garje Bijli Tarpe Dhak Se Kaleja Ho Jaaye
Ban Mein Ghata Ki Bhayaanak Soorat Kaisi Kali Kali Hai

Paon Utha Aur Thokar Khaaee Kuchh Sanbhlaa Phir Oondhe Munh
Meenanha Ne Phislan Kurdee Hai Aur Dhar Tak Khaaee Naalee Hai

Saathee Saathee Keh Ke Pukaaroon Saathee Ho To Jawab Aaye
Phir Jhunjhlaa Kar Sar De Patkon Chal Re Maula Waali Hai

Phir Phir Kar Har Janib Dekhoon Koi Aas Na Paas Kahein
Han Ek Tooti Aas Ne Haare Ji Se Rafaqat Paalee Hai

Tum To Chand Arab Ke Ho Pyaare Tum To Ajam Ke Sooraj Ho
Dekho Mujh Be Kis Par Shab Ne Kaisi Aafat Daali Hai

Duniya Ko To Kya Jaane Yeh Bas Ki Gaanth Hai Haraafa
Soorat Dekho Zalim Ki To Kaisi Bholee Bhaalee Hai

Shahad Dikhaye Zehar Pilaae Qaatil Daain Shauhar Kashish
Is Mardaar Pe Kya Lachaayaa Duniya Dekhi Bhaalee Hai

Woh To Nihaayat Sastaa Saudaa Beech Rahe Hain Jannat Ka
Hum Muflis Kya Molol Chakaaen Apna Hath Hi Khaali Hai

Maula Tere Afw O Karam Hoon Mere Gawah Safaaee Ke
Warna Raza Se Chor Pe Teri Digree To Iqbaalee Hai