Toobee Mein Jo Sab Se Oonchee Nazuk Seedhee Nikli Shaakh

Maula Gulban Rahmat Zahraa Sibtain Is Ki Kaliyan Phool
Siddique O Farooq O Asmaan, Haider Har Ek Us Ki Shaakh

Shaakh-e-qaamat-e-shah Mein Zulf O Chashm O Rukhsar O Lab Hain
Sumbul Nargis Gul Pankhuriyaan Qudrat Ki Kya Phoolee Shaakh

Apne In Baaghon Ka Sadqa Woh Rahmat Ka Paani De
Jis Se Nakhl-e-dil Mein Ho Paida Pyaare Teri Wala Ki Shaakh

Yaad-e-rukh Mein Aahen Karke Ban Mein Mein Roya Aayi Bahaar
Jhoomen Naseemein, Naisaan Barsa, Kaliyan Chutken, Mahki Shaakh

Zahir O Baatin, Awwal O Aakhir, Zeb-e--e-furooa O Zeen-e-usool
Baagh-e-Risalat Mein Hai To Hi Gul, Ghuncha-e, Jur, Pattee, Shaakh

Aal-e-Ahmad! Khaz Bedee, Ya Syed Hamza! Kun Maddee
Waqt-e-khazaan-e-Umar-e-Raza Ho Barg-e-Huda Se Na Aaree Shaakh