Aariz-e-Shams O Qamar Se Bhi Hain Anwar Airiyan

Ja Ba Ja Partaw Figan Hain Aasman Par Airiyan
Din Ko Hain Khursheed Shab Ko Maah O Akhtar Airiyan

Najm Gardoon To Nazar Aate Hain Chhote Aur Woh Paon
Arsh Par Phir Kyun Na Hoon Mehsoos Laaghar Airiyan

Dab Ke Zer-e-Paa Na Gunjaaish Samaane Ko Rahi
Ban Gaya Jalwa Kaf-e-Paa Ka Ubhar Kar Airiyan

Un Ka Mangta Paon Se Thukraade Woh Duniya Ka Taaj-e-
Jis Ki Khatir Margie Mun'im Ragar Kar Airiyan

Do Qamar Do Panja-e-khor Do Sitaare Das Hilaal
Un Ke Talwe Panje Naakhun Paaye Athar Airiyan

Haaye Is Patthar Se Is Seenay Ki Qismat Phorie
Be Takalluf Jis Ke Dil Mein Yun Karein Ghar Airiyan

Taaj-e--e-rooh Al-Quds Ke Motee Jise Sajda Karein
Rakhtee Hain Wallah! Woh Paakeeza Gohar Airiyan

Ek Thokar Mein Ahad Ka Zalzala Jata Raha
Rakhtee Hain Kitna Waqaar Allah Akbar Airiyan

Charkh-e- Par Charhte Hi Chandi Mein Siyaahee Aa Gayi
Kar Chukee Hain Badr Ko Taksaal Bahar Airiyan

Ae Raza Toofan-e-mahshar Ke Talaatim Se Na Dar
Shaad Ho Hain Kashti-e--e-Ummat Ko Langar Airiyan