Na Aasman Ko Yun Sar-kasheeda Hona Tha

Agar Gulon Ko Khizaan Na Raseeda Hona Tha
Kanaar-e-khaar-e-Madina Dameeda Hona Tha

Huzoor Un Ke Khilaf-e-Adab! Thi Be Taabee
Meri Umeed Tujhe Aarmeeda Hona Tha

Nazzara Khaak-e-Madina Ka Aur Teri Aankh
Na Is Qadr Bhi Qamar Shokh Deeda-e-hona Tha

Kanaar-e-khaak-e-Madina Mein Kab Milteen
Dil-e-hazeen Tujhe Ashk-e-chakeeda Hona Tha

Panah-e-daaman-e-dasht-e-haram Mein Chain Aata
Na Sabra-e-dil Ko Ghazaal-e-rameeda Hona Tha

Yeh Kaise Khultaa Ke Un Ke Siwa Shafee-e- Nahin
Abas Na Auron Ke Aagay Tapeeda Hona Tha

Hilaal Kaise Na Banta Ke Maah-e-Kamil Ko
Salaam-e-Abroo-e- Shah Mein Khameeda Hona Tha

La-amla'anna Jahannam Tha Wa'da-e-azlee
Na Munkiro Ka Abas Bad Aqeeda Hona Tha

Naseem Kyun Na Shameem Un Ki Tabeeh Se Laatee
Ke Subh-e-gul Ko Gireban Dareeda Hona Tha

Tapkataa Rang-e--e-junoon Ishq-e-shah Mein Har Gul Se
Rag-e-bahaar Ko Nashtar Raseeda Hona Tha

Baja Tha Arsh Pe Khaak-e-mazar-e-paak Ko Naaz
Ke Tujh Sa Arsh Nasheen Aafreeda Hona Tha

Guzrate Jaan Se Ek Shor-e-’’ya Habib Ke‘‘ Sath
Fughan Ko Naala-e-halqa-e-bureeda Hona Tha

Mere Kareem Gunah Zehar Hai Magar Aakhir
Koi To Shahad-e-Shafaat Chasheeda Hona Tha

Jo Sang-e-dar Pe Jabeen Saaiyon Mein Tha Mitnaa
To Meri Jaan Sharaar-e-jaheeda Hona Tha

Teri Qabaa Ke Na Kyun Neechay Neechay Daaman Hoon
Ke Khaak Saaron Se Yan Kab Kasheeda Hona Tha

Raza Jo Dil Ko Banaanaa Tha Jalwa Gaah-e-Habib
To Pyaare Qaid-e-Khudi Se Raheeda Hona Tha