Na Arsh Aiman Na Inni Zaahib Mein Mehmaanee Hai

Naseeb-e-dostaan Gar Un Ke Dar Par Maut Aanee Hai
Khuda Yun Hi Kare Phir To Hamesha Zindagani Hai

Isi Dar Par Tarpate Hain Machlate Hain Bilkate Hain
Utha Jata Nahin Kya Khoob Apni Natawani Hai

Har Ek Deewar O Dar Par Mehr Ne Ki Hai Jabeen Sai
Nigaar-e-masjid-e-Aqdas Mein Kab Sone Ka Paani Hai

Tere Mangta Ki Khaamoshee Shafaat Khwah Hai Us Ki
Zubaan-e-be Zabaanee Tarjumaan-e-khasta Jaanee Hai

Khulay Kya Raaz-e-Mahboob O Muhib Mastaan-e-ghaflat-sheari Par
Sharaab-e-qadaraaee Al-haq Zeb-e--e-jaam-e-Man Ra'ani Hai

Jahan Ki Khaakrobee Ne Chaman Aara Kya Tujh Ko
Saba Hum Ne Bhi Un Galiyon Ki Kuchh Din Khaak Chhaanee Hai

Shaha Kya Zaat Teri Haq Numa Hai Fard-e-imkan Mein
Ke Tujh Se Koi Awwal Hai Na Tera Koi Saani Hai

Kahan Is Ko Shak-e-jaan-e-Jinan Mein Zar Ki Naqqaashee
Iram Ke Tair-e-Rang-e--e-pareeda Ki Nishaanee Hai

Zayaab Fi Sayaab Lab Pe Kalma Dil Mein Gustaakhee
Salaam Islam Mulhid Ko Ke Tasleem-e-zabaanee Hai

Yeh Aksar Sath Un Ke Shana O Muswaak Ka Rahnaa
Bataataa Hai Ke Dil Reshon Pe Zaaed Meharbaanee Hai

Isi Sarkar Se Duniya O Dein Milte Hain Sail Ko
Yahi Darbaar-e-Aali Kanz-e-aamaal O Amaanee Hai

Duroodein Soorat-e-Haala Muheet-e-maah-e-Taiba Hain
Barsataa Ummat-e-aasi Pe Ab Rahmat Ka Paani Hai

Ta'ala Allah Istighnaa Tere Dar Ke Gidaon Ka
Ke Un Ko Aar Far O Shaukat-e-sahib Qaraanee Hai

Woh Saragarm-e-Shafaat Hain Araq Afshan Hai Peshaanee
Karam Ka Itr, Sandal Ki Zameen, Rahmat Ki Ghaanee Hai

Yeh Sarho Aur Woh Khaak-e-dar, Woh Khaak-e-dar Ho Aur Yeh Sar
Raza Woh Bhi Agar Chahein To Ab Dil Mein Yeh Thaanee Hai