نعت

اے راحتِ جاں جو ترے قدموں سے لگا ہو

کیوں خاک بسر صورتِ نقشِ کفِ پَا ہو

تمہارا نام مصیبت میں جب لیا ہو گا

ہمارا بگڑا ہوا کام بن گیا ہو گا

جانِ گلزارِ مصطفائی تم ہو

مختار ہو مالکِ خدائی تم ہو

میرا گھر غیرت خورشیدِ درخشاں ہوگا

خیر سے جان قمر جب کبھی مہماں ہوگا

پیام لے کے جو آئی صبا مدینے سے

مریض عشق کی لائی دوا مدینے سے

کرم ہے تمہارا عنایت تمہاری

دو عالم پہ بالا ہے امّت تمہاری

وہ حسن ہے اے سیدابرار تمہارا

اللہ بھی ہے طالب دیدار تمہارا

اے شہنشاہ مدینہ الصلوٰۃ والسلام

زنیت عرشِ معلّٰے الصلوٰۃ والسلام

یا رب مرے دل میں ہے تمنائے مدینہ

ان آنکھوں سے دکھلا مجھے صحرائے مدینہ

زمانہ نے زمانہ میں سخی ایسا کہیں دیکھا

لبوں پر جس کے سائل نے نہیں آتے نہیں دیکھا