Jo banon par hai bahaar-e-chaman-aaraai dost

Thak ke baithe to dar-e-dil par tamannaai dost
Kaun se ghar ka ujala nahin zebaai dost

Arsah-e-hashr kaja mauqif-e-Mahmood kaja
Saaz hangamon se rakhti nahin yaktaai dost

Mehr kis munh se jala-daari-e-jaanaan karta
Saayah ke naam se bezaar hai yaktaai dost

Marne walon ko yahan milti hai umr-e-jaaved
Zinda chhoregi kisi ko na Masihaai dost

Un ko yakta kiya aur khalq banaai yaani
Anjuman kar ke tamaasha karen tanhaai dost

Kaaba o Arsh mein kahraam hai nakaami ka
Aah kis bazm mein hai jalwa-e-yaktaai dost

Husn be-pardah ke parde ne mita rakha hai
Dhoondhne jaaen kahaan jalwa-e-harjaai dost

Shauq roke na ruke paaon uthaaye na uthe
Kaisi mushkil mein hain Allah tamannaai dost

Sharm se jhukti hai mihraab ke saajid hain huzoor
Sajdah karwaati hai Kaaba se jabeen-saai dost

Taaj walon ka yahan khaak pe maatha dekha
Saare daraaon ki daara hui daaraai dost

Toor par koi, koi charkh pe yeh Arsh se paar
Saare baalaon pe baala rahi baalaai dost

Anta feehim ne adu ko bhi liya daaman mein
Aish-e-jaaved mubaarak tujhe shaidaai dost