Aankhen Ro Ro Ke Sujane Wale

Koi Din Mein Yeh Sara Ujar Hai
Are O Chhaoni Chhane Wale

Zabah Hote Hain Watan Se Bichhre
Des Kyun Gaate Hain Gaane Wale

Are Bad-Faal Buri Hoti Hai
Des Ka Jangla Sunane Wale

Sun Lein Aada Mein Bigarne Ka Nahin
Woh Salamat Hain Banane Wale

Aankhen Kuch Kehti Hain Tujh Se Paigham
O Dar-e-Yaar Ke Jaane Wale

Phir Na Karwat Li Madine Ki Taraf
Are Chal Jhoote Bahane Wale

Nafs Mein Khaak Hua To Na Mita
Hai Meri Jaan Ke Khane Wale

Jeete Kya Dekh Ke Hain Ae Huro!
Taiba Se Khuld Mein Aane Wale

Neem Jalwa Mein Do Aalam Gulzar
Wah Wa Rang Jamane Wale

Husn Tera Sa Na Dekha Na Suna
Kehte Hain Agle Zamane Wale

Wohi Dhoom Un Ki Hai Masha Allah
Mit Gaye Aap Mitane Wale

Lab-e-Seerab Ka Sadqa Pani
Ae Lagi Dil Ki Bujhane Wale

Saath Le Lo Mujhe Main Mujrim Hoon
Raah Mein Parte Hain Thane Wale

Ho Gaya Dhak Se Kaleja Mera
Haaye Rukhsat Ki Sunane Wale

Khalq To Kya Keh Hain Khaliq Ko Aziz
Kuch Ajab Bhaate Hain Bhane Wale

Kushta-e-Dasht-e-Haram Jannat Ki
Khidkiyan Apne Sirhane Wale