Dil ko un se Khuda juda na kare

Is mein Rauza ka sajda ho ke tawaaf
Hosh mein jo na ho woh kya na kare

Ye wohi hain ke bakhsh dete hain
Kaun in jurmon par saza na kare

Sab tabeebon ne de diya hai jawab
Aah Isa agar dawa na kare

Dil kahan le chala Haram se mujhe
Are tera bura Khuda na kare

Uzr umeed-e-afw gar na sunein
Roosiyah aur kya bahana kare

Dil mein roshan hai sham-e-ishq-e-Huzoor
Kaash josh-e-hawas hawa na kare

Hashr mein hum bhi sair dekhen ge
Munkir aaj un se iltija na kare

Zu'f mana magar ye zalim dil
Un ke raste mein to thaka na kare

Jab teri khu hai sab ka ji rakhna
Wohi achha jo dil bura na kare

Dil se ik zauq-e-mai ka talib hoon
Kaun kehta hai itteqa na kare