Jo tera tifl hai kaamil hai ya Ghaus

Tasawwuf tere maktab ka sabaq hai
Tasarruf par tera 'aamil hai ya Ghaus

Teri sair ilallah hi hai fillah
Ke ghar se chalte hi moosil hai ya Ghaus

Tu noor-e-awwal o aakhir hai Maula
Tu khair-e-'aajil o aajil hai ya Ghaus

Malak ke kuch bashar kuch jinn ke hain peer
Tu shaikh-e-'aali o saafil hai ya Ghaus

Kitaab-e-har dil aasar-e-ta'arruf
Tere daftar hi se naaqil hai ya Ghaus

Futuh-ul-Ghaib agar roshan na farmaaye
Futoohaat o Fusoos aafil hai ya Ghaus

Tera mansoob hai marfoo' us ja
Izaafat raf' ki 'aamil hai ya Ghaus

Tere kaami mashaqqat se bari hain
Ke bartar nasb se faa'il hai ya Ghaus

Ahad se Ahmad aur Ahmad se tujh ko
Kun aur sab kun makun haasil hai ya Ghaus

Teri izzat teri rif'at tera fazl
Bifazlihi afzal o faazil hai ya Ghaus

Tere jalwe ke aage mintaqah se
Mah o khur par khatt-e-baatil hai ya Ghaus

Siyaahi maa'il us ki chaandni aayi
Qamar ka yun falak maa'il hai ya Ghaus

Tilaa-e-mehr hai taksaal baahar
Ke khaarij markaz haamil hai ya Ghaus

Tu barzakh hai barang-e-noon-e-minnat
Do jaanib muttasil waasil hai ya Ghaus

Nabi se aakhiz aur ummat pe faa'iz
Udhar qaabil idhar faa'il hai ya Ghaus

Nateejah hadd-e-ausat gar ke de aur
Yahan jab tak ke tu shaamil hai ya Ghaus

Ala tooba lakum hai woh ke jin ka
Shabaanah roz wird-e-dil hai ya Ghaus

Ajam kaisa Arab hill kya haram mein
Jami har ja teri mahfil hai ya Ghaus

Hai sharh-e-ism-ul-Qaadir tera naam
Yeh sharh us matn ki haamil hai ya Ghaus

Jabeen-e-jubbah farsaai ka sandal
Teri deewaar ki kahgil hai ya Ghaus

Baja laaya woh amr-e-saari'oo ko
Teri jaanib jo musta'jil hai ya Ghaus

Teri qudrat to fitriyaat se hai
Ke Qaadir naam mein daakhil hai ya Ghaus

Tasarruf waale sab mazhar hain tere
Tu hi is parde mein faa'il hai ya Ghaus