Dushman-e-Ahmad pe shiddat kijiye

Zikr un ka chheriye har baat mein
Chherna Shaitan ka aadat kijiye

Misl-e-Faris zalzale hon Najd mein
Zikr-e-Ayat-e-Wiladat kijiye

Ghaiz mein jal jaen be-deenon ke dil
"Ya Rasool Allah" ki kasrat kijiye

Kijiye charcha unhi ka subh o shaam
Jaan-e-kafir par qayamat kijiye

Aap dargah-e-Khuda mein hain wajeeh
Haan shafa'at bil-wajahat kijiye

Haq tumhein farma chuka apna Habeeb
Ab shafa'at bil-mahabbat kijiye

Izn kab ka mil chuka ab to Huzoor
Hum ghareebon ki shafa'at kijiye

Mulhidon ka shak nikal jae Huzoor
Janib-e-Mah phir isharat kijiye

Shirk thehre jis mein ta'zeem-e-Habeeb
Us bure mazhab pe la'nat kijiye

Zalimo! Mehboob ka haq tha yahi
Ishq ke badle adawat kijiye

Wad-Duha, Hujurat, Alam Nashrah se phir
Momino! itmam-e-hujjat kijiye

Baithte uthte Huzoor Pak se
Iltija wa isti'anat kijiye

Ya Rasool Allah duhai aap ki
Goshmal-e-Ahl-e-Bid'at kijiye

Ghaus-e-Azam aap se faryad hai
Zinda phir ye pak millat kijiye

Ya Khuda tujh tak hai sab ka muntahi
Auliya ko hukm-e-nusrat kijiye