Kharab haal kiya dil ko pur-malaal kiya

Tumhare koocha se rukhsat kiya nihaal kiya

Na rooye gul abhi dekha na booye gul soonghi

Qaza ne la ke qafas mein shikasta baal kiya

Woh dil ke khoon shudah armaan the jis mein mil dala

Fughan ke gor-e-shaheedan ko paa-e-maal kiya

Yeh raaye kya thi wahan se palatne ki ae nafs

Sitamgar ulti chhuri se hamein halaal kiya

Chaman se phenk diya aashiyana-e-bulbul

Ujaara khana-e-bekas bara kamaal kiya

Tira sitam-zadah aankhon ne kya bigaara tha

Yeh kya samaai ke door un se woh jamaal kiya